Alá polo ano 2008 oito catequistas da parroquia de Palmeira levaron a cabo unha curiosa iniciativa que elas mesmas lle propuxeron ao cura Ricardo Villaverde. Unha exposición conxunta con obxetos relixiosos da mesma Igrexa e dos propios veciños. Durante dous meses Betty Gago, María Gago, Encarnita Paz, Ángeles Pérez, Encarna González, Mª José Prego, Dina Millán e Chefa González dedicáronse a recopilar entre os veciños imaxes relixiosas, libros, elementos de culto, fotos e outros obxectos que poidesen expoñerse na Casa Rectoral. As promotoras desta idea non solo lle dedicaron tempo a elaborar a mostra, tamén atenderon as visitas.
Naceu así a idea de que Palmeira reivindicase un museo para a súa colección de arte sacro e darlle uso o local da nova Rectoral. Este artigo de El Correo Gallego do ano 2010 resume un pouco este esforzo e iniciativa.
No ano 2008 fíxose esta primeira Exposición Eclesiástica na Casa Rectoral de Palmeira. Aquí tendes as fotos que documentan este evento.
