LIBROS, MÚSICA, E OUTRAS COUSAS…
A iniciativa Creacións e Producións EraDixital nace inspirada pola necesidade de acercar uns medios de produción e publicación a aquela xente a que lle sobra creatividade pero non ten unha forma viable de dar a coñecer as súas obras.
Creacións e Producións EraDixital é unha iniciativa de EraDixital, S.L. Arranca nos anos 2008-2009 coa publicación do disco “InVerso” de Tevra, grupo destacado de rock alternativo na comarca do Barbanza. Grabado no 2008 pero distribuído ao público no ano 2009.
A viaxe continúa coa publicación da novela “Coiteladas na alma” nese mismo ano 2009 de Xosé Plácido Betanzos García, escritor destacado e premiado de Palmeira con moi boa acollida en toda a comarca do Barbanza.
Posteriormente, no ano 2011, publicouse a obra “Nacer, crecer, vivir e morrer en Palmeira (1500-2000). As xenealoxías dun pobo.”, unha extensa obra de documentación histórica de Xosé Álvarez Castrelo.
No ano 2013 EraDixital participou como mecenas e aportou axuda na loxística do segundo disco de Tevra “Líbido”. Un proxecto coordinado polo mismo grupo con unha campaña de Crowdfunding (Verkami).
Despois de uns anos sin actividade, no 2019 EraDixital en colaboración ca Asociación Cultural Alberto Romero edita e saca a luz o libro “Relatos, Contos Ananos, Mitos e Vergoñas” de Alberto Romero Bermo. Unha selección de traballos do autor como homenaxe a súa memoria despois do seu pasamento no ano 2015.
Tamén no ano 2019 colaboramos facendo a compilación, deseño e maquetación do libro “Relatos e Lembranzas” de Xosé Plácido Betanzos García. Libro póstumo, edición especial en homenaxe a Plácido Betanzos, por iniciativa da Comisión pola memoria de Plácido Betanzos en colaboración ca Mancomunidade Arousa Norte, editado pola Deputación da Coruña.
Este mismo ano 2019, EraDixital publica o libro “Dos ´20 aos ´70 (50 anos co Fútbol de Palmeira)” de Manuel Gago Pérez (O Carreirán). Un percorrido histórico da historia do fútbol en Palmeira e o seu impacto socio-cultural durante medio século.
Unha vez pasada a pandemia da COVID, no ano 2022, volvemos a retomar con 2 publicacións. “Demografía e Onomástica Devocional en Palmeira” de Xosé Álvarez Castrelo (extenso traballo histórico demográfico de Palmeira e contorna), e “Galeóns, Vapores e Motoras” de Manuel Gago Pérez (que trata da historia da paxase e os seus barcos pola Ría de Arousa).
Xa rematando o ano 2022 publicamos unha novela sorprendente de ficción climática inspirada en Palmeira e a nosa contorna. A Novela curta “A Tiempo” de Ana María García López tivo unha moi boa acollida entre lectores de todas as idades, mismamente un impacto importante como lectura en varios colexios polo seu contido docente.
No ano 2023, EraDixital publica 2 obras no mes de agosto casi ao mesmo tempo. “Tiempos de Salazón y Conserva en A Pobra do Caramiñal” de José Ramiro Villoch Herrera, e “Cuentos para despertar” de Luisa Saco Burgos.
Estas obras están dispoñibles nas nosas oficinas e tenda en Rúa do Vilar 65, 15959 Palmeira, A Coruña. Facemos tamén envíos a calquera punto no que te encontres. Contacta por correo electrónico a info@eradixital.com para ter máis información.